مرحبا ....
أنا هدى كريم عمري 25سنه من العراق/بابل خريجة هندسة حاسبات واعمل لدى شركة اتصالات .
من زمان يسهويني تعديل الصور واحب تحويل افكاري إلى حقيقة وجنت اشوف اعمال زملائي بالشغل بالتصميم فحبيت ادخل مجال الجرافيك دزاين اضافه لحبي له راح يفتحلي مجالات أطمح الها وحاولت ابدي اتعلمه بس ما جنت اعرف منين ابدي وملتهيه بالشغل فجنت انتقل كل مره لشي ٫لهذا حبيت ادخل بتحدي ال29 يوم واتحمست اتحدى نفسي واحدد مسار وخطوات واحدد نفسي بمجال واحد وابدي من الصفر واوصل إلى مستوى جيد خلال هاي الأيام القليله .
حطيت خطة (بعد البحث ) وراح امشي عليها واعتمد على دورات الاونلاين واليوتيوب ٫ ابدي بتعلم اساسيات الجرافيك دزاين وبعدها اساسيات برنامج الفوتوشوب وبرنامج الاليستريتر وأيضا استغل الوقت بالتغذية البصرية.
اسباب ودوافع قويه اتخليني استمر بالتعلم والتطوير وان شاء الله ما يروح الواهس واوصل لمستوى متقدم بالتصميم بحيث استفاد منه بشغلي وابدي مشروعي الخاص .
وراح أشارك بهاي المدونه الي راح اتعلمه وكل تطور .
