مرحباً....
وصلت لليوم العاشر بالتحدي و صار هاي ال10 ايام اتعلم التصميم الجرافيكي تقريبا من 2 الى 4 ساعات باليوم, وجان هدفي اوصل مستوى جيد بي واتقن اختصاص معين بالتصميم .
بماانو وصلت لهنا خلي احجي التقدم الي حققته خلال هاي ال10 ايام الفاتت :
اني بديت من الصفر وجنت كلشي مااعرف عن التصميم حاليا بعد عشرة ايام فهمت معنى التصميم الجرافيكي واستعمالاته وانواعه وبرامجه وقريت اكثر عن الالون وانواع الخطوط والنسب والتباين واخذت هذه الدورة من منصة ادراك وهاي شهادة اتمام الدورة .
بعدها شاهدت فديوهات على اليوتيوب حتى يكون عندي اطلاع اكثر على التصميم الجرافيكي مثل هاي السلسلة وهاي الفديوهات .
بعدين قررت اختص ببرنامج الاليستريتور لان يساعدني اكثر بالتصاميم الي اريدها وبعدها اتعلم برنامج الفوتوشوب فااخذت هذه الدورة .
وفادني ايضاً برنامج ال pinterest بالتغذية البصرية .
بالبدايه جان الجهد الي ابذله قليل ووقت قليل بعدين بديت ازيد الوقت برغم شغلي وضعف النت وصلت تقريبا الى 4 ساعات وان شاء الله اتزيد .
اشوف نفسي خلال هاي الايام حققت تقدم وراضيه عنه ,وكلش فرحانه انو وصلت لهاي الدرجه ولهنا بالتحدي وان اشاء الله اكمل للنهايه بحماس اكثر .
اتعلمت خلال هاي الايام معلومات اهواي وعرفت احدد مساري اكثر وبالايام الجايه اتخصص اكثر وابدي اطبق الي اتعلمته .
متحمسه اكمل هذا التحدي للاخير واشوف راح اوصل لهدفي واكثر.
احتمال ممكن اتصير تعديلات بسيطه بالخطه حتى تلائم المطلوب من بعد ماقريت اكثر ممكن اركز اكثر على برنامج الاليستريتور واخذ دورات اكثر عنه .
اخر شي احب اكول اني ممتنه لهواي اشياء بهذا التحدي ومنها :
1- ممتنه للنعم والصحه والحماس والتقدم وقابليتي على التعلم .
2-ممتنه لمرتضى وفريقه على هذا التحدي ولكلشي جاي يسوه.
3-ممتنه لكل شخص ساعدني وحاول يساعدني.
ليست هناك تعليقات:
إرسال تعليق