وصلنا لليوم ال20 ومابقى بس ايام قليله للنهاية التحدي وبعدني مستمرة بالتصميم الجرافيكي خلصت هاي الايام بسرعة واتعلمت اشياء ومعلومات جديدة.
خلال الايام الفاتت :
نفس كورسات ودوروس الي ذكرتهن بالمدونه السابقة وبرنامج ال pintrerst بالتغذية البصرية
و هذا الموقع المفيد الي يحوي على تصاميم لوكو فادني انو اعدل عليهن واتعلم عليهن .
وايضا طبقت على برنامج الاليستريتر واتعلمت اشوي عليه ,بعدها قررت اتعرف على برنامج الفوتوشوب اشويه حتى يفيدني بتصميم وتعديل الصور على منصة عالم بهاء .
حققت خلال هاي الايام تقدم راضيه عنه وجنت مخصصه تقريبا 3 ساعات ومرات اتزيد حسب الوقت.
اتصور راح اوصل لهدفي حتى اطور اكثر بمجال التصميم الجرافيكي لان هدفي جان اوصل مستوى جيد بهاي ال29 يوم وراح اوصل لهذا الشي .
كلش فرحانه وفخوره اني شاركت بهذا التحدي ودخلت بهيج مجال الي فاجئني بهذا التحدي قدراتي الي ماجنت اعرف عنها وراح احاول اطورها
ان شاء الله بهاي الايام الاخيره نطلع بشي حلو واتشوفون تصميمي .
ممتنة لمرتضى ولفريقه على هذا التحدي والي جاي يقدموه وممتنه لكل شخص يساعد الناس ولكل شخص نزل فديو او سوه كورس تعليم.
ليست هناك تعليقات:
إرسال تعليق